ਸੋ ਦਰੁ

ਗੁਰੂ ਨਾਨਕ ਸਾਹਿਬ, ਗੁਰੂ ਰਾਮਦਾਸ ਸਾਹਿਬ, ਗੁਰੂ ਅਰਜਨ ਸਾਹਿਬ

ਪਿਛਲੇ ਸ਼ਬਦ ‘ਹਰਿ ਕੇ ਜਨ ਸਤਿਗੁਰ ਸਤਪੁਰਖਾ’ ਵਿਚ ਨਾਮ-ਪ੍ਰਾਪਤੀ ਦੇ ਸਾਧਨ ਗੁਰੂ ਤੇ ਗੁਰੂ-ਪਰਾਇਣ ਸੰਗਤ ਲਈ ਬੇਨਤੀ ਹੈ। ਵਿਚਾਰ ਅਧੀਨ ਸ਼ਬਦ ਵਿਚ ਸੰਸਾਰ ਤੋਂ ਪਾਰ-ਉਤਾਰੇ ਅਤੇ ਪਰਮ-ਪਦ ਦੀ ਪ੍ਰਾਪਤੀ ਲਈ ਸਤਸੰਗਤਿ ਤੇ ਗੁਰੂ ਕਿਰਪਾ ਦੀ ਮਹੱਤਤਾ ਦਰਸਾਈ ਹੈ। ਗੁਰ ਕਿਰਪਾ ਦੇ ਪਾਤਰ ਬਣਨ ਲਈ ਮਨ ਨੂੰ ਸਮਝਾਇਆ ਗਿਆ ਹੈ ਕਿ ਸਾਰੇ ਜੀਵਾਂ ਨੂੰ ਰਿਜਕ ਦੇਣ ਵਾਲਾ ਇਕ ਹਰੀ ਹੀ ਹੈ। ਜੀਵ ਨੂੰ ਕੇਵਲ ਆਪਣੀ ਰੋਜੀ-ਰੋਟੀ ਕਮਾਉਣ ਦੀ ਚਿੰਤਾ ਵਿਚ ਹੀ ਫਸਿਆ ਨਹੀਂ ਰਹਿਣਾ ਚਾਹੀਦਾ। ਆਤਮਕ ਤ੍ਰਿਪਤੀ ਲਈ ਸਤਸੰਗਤਿ ਰਾਹੀਂ ਗੁਰੂ ਉਪਦੇਸ ਨੂੰ ਕਮਾਉਣ ਦਾ ਜਤਨ ਵੀ ਕਰਨਾ ਚਾਹੀਦਾ ਹੈ।