ਸੋ ਦਰੁ

ਗੁਰੂ ਨਾਨਕ ਸਾਹਿਬ, ਗੁਰੂ ਰਾਮਦਾਸ ਸਾਹਿਬ, ਗੁਰੂ ਅਰਜਨ ਸਾਹਿਬ

‘ਸੋ ਦਰੁ’ ਦਾ ਅਰਥ, ‘ਉਹ ਦਰ ਜਾਂ ਦਰਬਾਰ’ ਹੈ। ਉਹ ਦਰ-ਘਰ ਜਿਥੇ ਕਰਤਾਪੁਰਖ ਦਾ ਵਾਸਾ ਹੈ। ਕਰਤਾਪੁਰਖ ਵਾਂਗ ਉਸ ਦਾ ਦਰ-ਘਰ ਵੀ ਸਾਰੇ ਸਮਿਆਂ ਅਤੇ ਸਥਾਨਾਂ ਵਿਚ ਵਿਆਪਕ ਹੈ। ਇਸ ਰਹਸ ਦੀ ਸੋਝੀ ਹੋਣ ‘ਤੇ ਪ੍ਰਤੀਤ ਹੁੰਦਾ ਹੈ ਕਿ ਸਾਰੀ ਦ੍ਰਿਸ਼ਟ-ਅਦ੍ਰਿਸ਼ਟ ਕੁਦਰਤ ਤੇ ਉਸ ਦੇ ਸਾਰੇ ਪ੍ਰਕਿਰਤਕ ਤੱਤ, ਸਭ ਇਤਿਹਾਸਕ, ਮਿਥਿਹਾਸਕ, ਧਾਰਮਕ ਤੇ ਸੰਸਾਰਕ ਪਾਤਰ ਅਤੇ ਸਾਰੇ ਖੰਡ-ਬ੍ਰਹਿਮੰਡ ਕਰਤਾ ਪੁਰਖ ਨੂੰ ਹੀ ਗਾ ਰਹੇ ਹਨ। ਉਸ ਦੇ ਹੀ ਭਾਣੇ ਅਧੀਨ ਵਿਚਰ ਰਹੇ ਹਨ। ਉਹ ਆਪ ਹੀ ਸਾਰਿਆਂ ਦਾ ਮਾਲਕ ਹੈ। ਸਾਰਿਆਂ ਦੀ ਸਾਰ-ਸੰਭਾਲ ਕਰਨ ਵਾਲਾ ਹੈ। ਮਨੁਖ ਨੂੰ ਉਸੇ ਦੀ ਹੀ ਉਸਤਤਿ ਕਰਨੀ ਚਾਹੀਦੀ ਅਤੇ ਉਸੇ ਦੀ ਹੀ ਰਜ਼ਾ ਵਿਚ ਰਾਜੀ ਰਹਿਣਾ ਚਾਹੀਦਾ ਹੈ।