ਬਾਰਹ ਮਾਹਾ (ਮਹਲਾ ੫)

ਗੁਰੂ ਅਰਜਨ ਸਾਹਿਬ

ਮਾਘ ਤੋਂ ਬਾਅਦ ਫੱਗਣ ਦੇ ਮਹੀਨੇ ਵਿਚ ਮੌਸਮ ਇਕ ਨਵਾਂ ਮੋੜ ਲੈ ਲੈਂਦਾ ਹੈ। ਸਰਦੀ ਘੱਟਣੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਮਹੀਨੇ ਵਿਚ ਹੋਲੀ ਤੇ ਬਸੰਤ ਦੇ ਤਿਉਹਾਰ ਆਉਂਦੇ ਹਨ। ਗੁਰੂ ਨਾਨਕ ਸਾਹਿਬ (ਤੁਖਾਰੀ ਰਾਗ ਵਿਚ ਦਰਜ ਬਾਰਹਮਾਹਾ) ਅਤੇ ਗੁਰੂ ਅਰਜਨ ਸਾਹਿਬ ਨੇ ਇਸ ਮਹੀਨੇ ਵਿਚ ਜਗਿਆਸੂ ਦੇ ਪ੍ਰਭੂ ਨਾਲ ਮਿਲਾਪ ਦਾ ਜਿਕਰ ਕੀਤਾ ਹੈ। ਸਾਧਸੰਗਤ ਵਿਚ ਪ੍ਰਭੂ ਦੀ ਸਿਫਤਿ-ਸਾਲਾਹ ਕੀਤਿਆਂ, ਜਗਿਆਸੂ ਦਾ ਜੀਵਨ ਏਨਾ ਉੱਚਾ-ਸੁੱਚਾ ਹੋ ਜਾਂਦਾ ਹੈ ਕਿ ਪ੍ਰਭੂ ਨਾਲੋਂ ਉਸ ਦੀ ਦੂਰੀ ਮਿਟ ਜਾਂਦੀ ਹੈ। ਹਰ ਵੇਲੇ ਉਸ ਦੇ ਅੰਦਰ ਅਨੰਦ ਬਣਿਆ ਰਹਿੰਦਾ ਹੈ।