ਬਸੰਤ ਮਹਲਾ ੫ ਘਰ ੧ ਦੁਤੁਕੇ

ਗੁਰੂ ਅਰਜਨ ਸਾਹਿਬ

ਇਸ ਸ਼ਬਦ ਵਿਚ ਗੁਰੂ ਅਰਜਨ ਸਾਹਿਬ ਨੇ ਬਸੰਤ ਰੁੱਤ ਦੇ ਉਤਸਵਮਈ ਤੇ ਸੁਹਾਵਣੇ ਮੌਸਮ ਦੇ ਰੂਪਕ ਨੂੰ ਸੰਦੇਸ਼ ਦੇਣ ਲਈ ਵਰਤਿਆ ਹੈ। ਇਸ ਵਿਚ ਦੱਸਿਆ ਹੈ ਕਿ ਜਦੋਂ ਤੋਂ ਮੈਂ ਗੁਰ-ਸ਼ਬਦ ਦਾ ਗਿਆਨ ਪ੍ਰਾਪਤ ਕਰ ਕੇ ਪ੍ਰਭੂ ਦੇ ਗੁਣ ਗਾਉਣੇ ਸ਼ੁਰੂ ਕੀਤੇ ਹਨ, ਮੇਰਾ ਹਿਰਦਾ ਬਸੰਤ ਦੀ ਸੁਹਾਵਣੀ ਰੁੱਤ ਵਾਂਗ ਖਿੜ ਪਿਆ ਹੈ। ਹਿਰਦੇ ਵਿਚ ਹੋਲੀ ਉਤਸਵ ਵਾਲੇ ਅਨੰਦ ਬਣ ਗਏ ਹਨ। ਮੈਂ ਸੇਵਾ ਨੂੰ ਹੀ ਹੋਲੀ ਬਣਾ ਲਿਆ ਹੈ। ਮਨ ਹਰ ਵੇਲੇ ਪ੍ਰਫੁੱਲਤ ਹੋਇਆ ਰਹਿੰਦਾ ਹੈ। ਦੁਖ ਤੇ ਸੁਖ ਇਕ ਸਮਾਨ ਪ੍ਰਤੀਤ ਹੋ ਰਹੇ ਹਨ।