ਅਨੰਦੁ ਸਾਹਿਬ

ਗੁਰੂ ਅਮਰਦਾਸ ਸਾਹਿਬ

ਇਸ ਪਉੜੀ ਵਿਚ ਦੱਸਿਆ ਹੈ ਕਿ ਪ੍ਰਭੂ ਨੇ ਮਨੁਖੀ ਸਰੀਰ ਵਿਚ ਜੀਵ-ਆਤਮਾਂ ਦੀ ਜੋਤਿ ਟਿਕਾਅ ਕੇ ਇਸਨੂੰ ਸਾਰੇ ਕਰਮ-ਵਿਹਾਰ ਕਰਨ ਦੇ ਕਾਬਲ ਬਣਾ ਦਿੱਤਾ। ਇਸੇ ਸਰੀਰ ਵਿਚ ਪਭੂ ਦੁਆਰਾ ਨੌਂ ਕਰਮ-ਇੰਦਰੇ ਲਗਾਏ ਹੋਏ ਹਨ, ਪਰ ਦਸਵਾਂ ਇੰਦਰਾ ਗੁਪਤ ਰਖਿਆ ਹੋਇਆ ਹੈ। ਇਸ ਦਸਵੇਂ ਇੰਦਰੇ ਵਿਚ ਅਨੇਕ ਰੂਪਾਂ ਨੂੰ ਰਚਣ, ਆਸਰਾ ਦੇਣ ਅਤੇ ਸਾਰੀਆਂ ਬਰਕਤਾਂ ਬਖਸ਼ਣ ਵਾਲਾ ਪ੍ਰਭੂ ਦਾ ਨਾਮ ਪਿਆ ਹੈ। ਇਹ ਇੰਦਰਾ ਗੁਰ-ਸ਼ਬਦ ਨਾਲ ਪ੍ਰੇਮ ਲਾ ਕੇ ਖੁਲ੍ਹਦਾ ਹੈ। ਇਸ ਦੇ ਖੁੱਲ੍ਹਣ ਨਾਲ ਹੀ ਸਦੀਵੀ ਅਨੰਦ ਦੀ ਪ੍ਰਾਪਤੀ ਹੁੰਦੀ ਹੈ।