ਸਲੋਕ ਸੇਖ ਫਰੀਦ ਜੀ

ਸੇਖ ਫਰੀਦ

ਇਸ ਸਲੋਕ ਵਿਚ ਬਾਬਾ ਫਰੀਦ ਜੀ ਸਮਝਾਉਂਦੇ ਹਨ ਕਿ ਜੇ ਕਿ ਮਨੁਖ ਆਪਣੇ-ਆਪ ਨੂੰ ਠੀਕ ਕਰ ਲਵੇ, ਭਾਵ ਸੰਜਮ-ਸੰਤੋਖ ਵਿਚ ਆ ਜਾਵੇ। ਮਨ ਅਤੇ ਬੁਧੀ ਕਰਕੇ ਸੰਵਰ ਜਾਵੇ ਤਾਂ ਉਹ ਹਰ ਹਾਲਤ ਵਿਚ ਪ੍ਰਭੂ ਨਾਲ ਮਿਲਾਪ ਪ੍ਰਾਪਤ ਕਰ ਸਕੇਗਾ। ਇਸ ਮਿਲਾਪ ਸਦਕਾ ਮਨੁਖ ਦੇ ਦੁਖ-ਦਰਦ ਤੇ ਸੰਤਾਪ ਆਦਿ ਸਭ ਦੂਰ ਹੋ ਜਾਣਗੇ ਤੇ ਉਸ ਦੇ ਜੀਵਨ ਵਿਚ ਸੁਖ ਆ ਜਾਵੇਗਾ।

ਬਾਬਾ ਫਰੀਦ ਜੀ ਸਮਝਾ ਰਹੇ ਹਨ ਕਿ ਜੇ ਮਨੁਖ ਸੰਸਾਰੀ ਮੋਹ ਨੂੰ ਛੱਡ ਕੇ ਪ੍ਰਭੂ ਨਾਲ ਜੁੜਿਆ ਰਹੇ ਤੇ ਉਸ ਨੂੰ ਆਪਣਾ ਬਣਾਈ ਰਖੇ ਤਾਂ ਇਹ ਸਾਰਾ ਸੰਸਾਰ ਹੀ ਉਸ ਦਾ ਆਪਣਾ ਹੋ ਜਾਵੇਗਾ ਤੇ ਉਹ ਕਿਸੇ ਲਈ ਵੀ ਓਪਰਾ ਨਹੀਂ ਰਹੇਗਾ। ਪ੍ਰਭੂ ਦੇ ਨਾਮ ਨਾਲ ਅਭੇਦ ਹੋਇਆਂ ਹਰ ਤਰ੍ਹਾਂ ਦੀ ਦੂਈ-ਦ੍ਵੈਸ਼ ਅਤੇ ਮੇਰ-ਤੇਰ ਮਿਟ ਜਾਵੇਗੀ। ਸਰਬ ਵਿਆਪੀ ਅਭੇਦਤਾ ਹੀ ਸੁਖੀ ਜੀਵਨ ਦਾ ਸਾਰ ਅਤੇ ਅਧਾਰ ਹੈ।