ਸਲੋਕ ਸੇਖ ਫਰੀਦ ਜੀ

ਸੇਖ ਫਰੀਦ

ਇਸ ਸਲੋਕ ਵਿਚ ਬਾਬਾ ਫਰੀਦ ਜੀ ਆਪਣੇ-ਆਪ ਨੂੰ ਮੁਖਾਤਬ ਹੋ ਕੇ ਆਖਦੇ ਹਨ ਕਿ ਰੱਬ ਦੀ ਫਕੀਰੀ ਵਾਲਾ ਰਾਹ ਬਹੁਤ ਔਖਾ ਹੈ। ਹੈ। ਜਿਥੇ ਦੁਨੀਆਦਾਰ ਨੂੰ ਕੋਈ ਪਰਹੇਜ਼ ਨਹੀਂ ਕਰਨਾ ਪੈਂਦਾ, ਉਥੇ ਹੀ ਦਰਵੇਸ਼ ਨੂੰ ਬੜੇ ਸਖਤ ਪਰਹੇਜ਼ ਕਰਨੇ ਪੈਂਦੇ ਹਨ। ਮਾਇਆ ਦੇ ਪਸਾਰੇ ਵਿਚ ਰਹਿ ਕੇ, ਮਾਇਆ ਤੋਂ ਨਿਰਲੇਪ ਰਹਿਣਾ ਸੌਖਾ ਕਾਰਜ ਨਹੀ ਹੈ। ਗੱਲ ਨੂੰ ਅੱਗੇ ਤੋਰਦਿਆਂ ਆਖਦੇ ਹਨ ਕਿ ਮੇਰਾ ਆਚਾਰ-ਵਿਹਾਰ ਵੀ ਦੁਨੀਆਦਾਰਾਂ ਵਾਲਾ ਹੀ ਹੈ।

ਦਰਵੇਸ਼ੀ ਦੇ ਰਾਹ ਉੱਤੇ ਟੁਰਨ ਵਾਸਤੇ ਇਹ ਦੁਨੀਆਦਾਰੀ ਦੀ ਪੋਟਲੀ ਛੱਡਣੀ ਹੀ ਪੈਂਦੀ ਹੈ। ਫਰੀਦ ਜੀ ਅੱਗੇ ਫਿਰ ਆਖਦੇ ਹਨ ਕਿ ਹੁਣ ਮੈਨੂੰ ਇਸ ਗੱਲ ਦੀ ਸਮਝ ਨਹੀਂ ਪੈ ਰਹੀ ਕਿ ਜਿਸ ਸੰਸਾਰੀ ਮੋਹ ਦਾ ਭਾਰ ਮੈਂ ਚੁੱਕੀ ਫਿਰਦਾ ਹਾਂ, ਇਸ ਤੋਂ ਆਪਣੇ-ਆਪ ਨੂੰ ਕਿਵੇਂ ਮੁਕਤ ਕਰਾਂ? ਸਿੱਖਿਆ ਇਹੋ ਹੈ ਕਿ ਮਨੁਖੀ ਜੀਵਨ ਦੀ ਸਫਲਤਾ ਲਈ ਜਰੂਰੀ ਹੈ ਦੁਨਿਆਵੀ ਪਦਾਰਥਾਂ ਦਾ ਮੋਹ ਛੱਡ ਕੇ ਫਕੀਰਾਂ ਵਾਂਗ ਪ੍ਰਹੇਜ਼ਗਾਰੀ ਰਖਦਿਆਂ ਜ਼ਿੰਦਗੀ ਬਤੀਤ ਕੀਤੀ ਜਾਵੇ।