ਸਲੋਕ ਸੇਖ ਫਰੀਦ ਜੀ

ਸੇਖ ਫਰੀਦ

ਇਸ ਸਲੋਕ ਵਿਚ ਫਰੀਦ ਜੀ ਪਿਛਲੇ ਸਲੋਕ ਵਾਲੀ ਦੁਬਿਧਾ ਵਿਚੋਂ ਬਾਹਰ ਆਉਂਦੇ ਹੋਏ ਦੱਸਦੇ ਹਨ ਕਿ ਮੀਂਹ ਰੱਬ ਦੇ ਹੁਕਮ ਵਿਚ ਹੀ ਵਰ ਰਿਹਾ ਹੈ। ਇਸ ਕਰ ਕੇ ਬੇਸ਼ੱਕ ਮੀਂਹ ਇਵੇਂ ਹੀ ਪੈਂਦਾ ਰਹੇ ਤੇ ਉਨ੍ਹਾਂ ਦੀ ਪਹਿਨੀ ਹੋਈ ਕੰਬਲੀ ਵੀ ਭਿੱਜਦੀ ਹੈ ਤਾਂ ਭਿੱਜ ਜਾਵੇ। ਪਰ ਉਹ ਆਪਣੇ ਪਿਆਰੇ ਸਤਿਸੰਗੀ ਸੱਜਣਾਂ ਨੂੰ ਹਰ ਹਾਲਤ ਵਿਚ ਮਿਲਣ ਜਾਣਗੇ। ਕਿਉਂਕਿ, ਕੁਝ ਵੀ ਹੋ ਜਾਵੇ, ਉਨ੍ਹਾਂ ਦਾ ਆਪਣੇ ਸੱਜਣ ਨਾਲ ਪਿਆਰ ਕਿਸੇ ਵੀ ਹਾਲਤ ਵਿਚ ਨਹੀਂ ਟੁੱਟਣਾ ਚਾਹੀਦਾ। ਸੱਜਣ ਪਿਆਰੇ ਬਿਨਾਂ ਜੀਣ ਦਾ ਕੋਈ ਹੱਜ ਨਹੀਂ ਹੁੰਦਾ। ਅਜਿਹੇ ਸਤਿਸੰਗੀ ਸੱਜਣਾਂ ਦੇ ਮਿਲਾਪ ਨਾਲ ਹੀ ਪ੍ਰਭੂ ਦਾ ਮਿਲਾਪ ਹਾਸਲ ਕੀਤਾ ਜਾ ਸਕਦਾ ਹੈ।
ਕਰਿ ਕਿਰਪਾ ਪ੍ਰਭਿ ਸਾਧਸੰਗਿ ਮੇਲੀ ॥ ਜਾ ਫਿਰਿ ਦੇਖਾ ਤਾ ਮੇਰਾ ਅਲਹੁ ਬੇਲੀ ॥੩॥ -ਗੁਰੂ ਗ੍ਰੰਥ ਸਾਹਿਬ ੭੯੪

ਦਰਅਸਲ ਇਸ ਸਲੋਕ ਵਿਚ ਬਾਬਾ ਫਰੀਦ ਜੀ ਪ੍ਰਭੂ-ਮਾਰਗ ਉੱਤੇ ਚੱਲਦਿਆਂ ਦਰਪੇਸ਼ ਆ ਰਹੀਆਂ ਮੁਸੀਬਤਾਂ ਤੋਂ ਪਾਰ ਲੰਘਣ ਦੀ ਗੱਲ ਕਰ ਰਹੇ ਹਨ ਕਿ ਕੋਈ ਵੀ ਮੁਸੀਬਤ ਜਗਿਆਸੂ ਨੂੰ ਪ੍ਰਭੂ-ਮਾਰਗ ਦੇ ਰਾਹ ਤੋਂ ਲਾਭੇਂ ਨਹੀਂ ਕਰ ਸਕਦੀ।