ਸਲੋਕ ਸੇਖ ਫਰੀਦ ਜੀ

ਸੇਖ ਫਰੀਦ

ਇਸ ਸਲੋਕ ਵਿਚ ਬਾਬਾ ਫਰੀਦ ਜੀ ਦੱਸ ਰਹੇ ਹਨ ਕਿ ਇਕ ਜਗਿਆਸੂ ਰੂਪ ਇਸਤਰੀ ਆਪਣੇ ਸੁਹਾਗ ਨੂੰ ਲੱਭ ਰਹੀ ਹੈ। ਇਸ ਸਲੋਕ ਵਿਚ ਉਸ ਜਗਿਆਸੂ ਨੂੰ ਦੱਸਿਆ ਗਿਆ ਹੈ ਕਿ ਉਸ ਦੀ ਮਨੋਸਥਿਤੀ ਜਾਂ ਮਨੋਬਿਰਤੀ ਵਿਚ ਹੀ ਕੋਈ ਘਾਟ ਜਾਂ ਦੋਸ਼ ਹੈ, ਜਿਸ ਕਰਕੇ ਉਸ ਨੂੰ ਮਾਲਕ ਪ੍ਰਭੂ ਦੀ ਭਾਲ ਕਰਨੀ ਪੈ ਰਹੀ ਹੈ। 

ਪਰ ਜਿਹੜੇ ਆਤਮ-ਵਿਸ਼ਵਾਸੀ ਸੁਹਾਗਣਾ ਜਿਹੇ ਸਾਧਕ ਹੁੰਦੇ ਹਨ, ਉਨ੍ਹਾਂ ਨੂੰ ਅੰਦਰ ਹੀ ਸੁਹਾਗ ਰੂਪੀ ਪ੍ਰਭੂ ਵਸਿਆ ਮਹਿਸੂਸ ਹੁੰਦਾ ਹੈ। ਇਸ ਲਈ ਉਨ੍ਹਾਂ ਨੂੰ ਸੁਹਾਗ ਰੂਪ ਪ੍ਰਭੂ ਦੀ ਭਾਲ ਕਿਤੇ ਬਾਹਰ ਨਹੀਂ ਕਰਨੀ ਪੈਂਦੀ। ਉਹ ਆਪਣੇ-ਆਪ ਵਿਚ ਪਰਿਪੂਰਣ ਹੁੰਦੇ ਹਨ। ਉਨ੍ਹਾਂ ਵਿਚ ਕੋਈ ਘਾਟ ਨਹੀਂ ਹੁੰਦੀ। ਰੱਬ ਦੇ ਰਾਹ ਦੀਆਂ ਸੁਹਾਗਣਾ ਹੀ ਉਹ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਹਿਰਦੇ ਅੰਦਰ ਪ੍ਰਭੂ ਦਾ ਵਾਸਾ ਮਹਿਸੂਸ ਹੁੰਦਾ ਹੈ। ਉਹ ਫਿਰ ਕਿਤੇ ਬਾਹਰ ਨਹੀਂ ਭਟਕਦੀਆਂ।