ਮਹਲਾ ੫ ਗਾਥਾ

ਗੁਰੂ ਅਰਜਨ ਸਾਹਿਬ

ਇਸ ਸਲੋਕ ਵਿਚ ਆਦੇਸ਼ ਹੈ ਕਿ ਹਰ ਕਿਣਕਾ ਪਰਮ-ਸਤਿ ਦਾ ਨਿਵਾਸ ਹੈ, ਜੋ ਹਰ ਕਿਸੇ ਨੂੰ ਆਪਣੇ ਵੱਲ ਖਿਚਦਾ ਹੈ, ਜਿਸ ਕਰਕੇ ਹਰ ਕਿਸੇ ਨੂੰ ਉਸਦੇ ਨਾਲ ਪ੍ਰੇਮ ਹੋ ਜਾਂਦਾ ਹੈ। ਪ੍ਰੇਮ ਵਿਚ ਪਿਆਰੇ ਨੂੰ ਦੇਖਦੇ ਰਹਿਣਾ ਹੀ ਵਡਾ ਕਰਮ ਹੈ। ਅਰਦਾਸ ਵਿਚ ਕਿੰਨਾ ਸੋਹਣਾ ਕਿਹਾ ਗਿਆ ਹੈ: ਸ੍ਰੀ ਹਰਿਕ੍ਰਿਸਨਿ ਧਿਆਈਐ ਜਿਸੁ ਡਿਠੇ ਸਭੁ ਦੁਖੁ ਜਾਇ॥

ਪ੍ਰਸਾਦਿ ਸ਼ਬਦ ਦਾ ਮੂਲ ਅਰਥ ਸਾਹਮਣੇ ਬਹਿਣਾ ਹੈ ਤੇ ਦਰਸ਼ਨ ਦਾ ਅਰਥ ਦੇਖਣਾ ਹੈ। ‘ਪਰਸਾਦੰ ਗੁਰ ਦਰਸਨਹ’ ਦਾ ਭਾਵ ਹੈ, ਗੁਰੂ ਦੀ ਹਜ਼ੂਰੀ ਵਿਚ ਬਹਿਣਾ ਤੇ ਗੁਰੂ ਦਾ ਦਰਸ਼ਣ ਕਰਨਾ। ਇਸ ਤੋਂ ਵਡੀ ਕਿਰਪਾ ਕੀ ਹੋ ਸਕਦੀ ਹੈ ਅਗਰ ਕੋਈ ਪਿਆਰਾ ਕਿਸੇ ਨੂੰ ਦੇਖਣ ਦੀ ਖੁੱਲ ਦੇ ਦੇਵੇ। ਕਿਉਂਕਿ ਪਿਆਰੇ ਨੂੰ ਸਾਹਮਣੇ ਬਹਿ ਕੇ ਦੇਖਣਾ ਮਹਾਂਕਾਵਿਕ ਅਤੇ ਅਨੰਦਮਈ ਅਹਿਸਾਸ ਹੈ। ਅੱਖਾਂ ਨਾਲ ਨਹੀਂ, ਧਿਆਨ ਨਾਲ ਦੇਖਣਾ: ਨਾਨਕ ਸੇ ਅਖੜੀਆ ਬਿਅੰਨਿ ਜਿਨੀ ਡਿਸੰਦੋ ਮਾ ਪਿਰੀ॥